Zap Mama: «Brrrlak»

la band da Marie Daulne
Legenda da maletgs: Keystone

«Brrrlak» è ina chanzun a capella, cun vuschs da dunnas meravigliusas e cun in cling exotic. Quels tuns vegnan er da l'Africa, Er la chantadura Marie Daulne ha sias ragischs en il Congo, fin il 1960 ina colonia da la Belgia. Da la ha ella stui fugir pervi da la guerra civila, ed ella è rivada cun sia mamma en Belgia, la patria da ses bap che ha pers la vita en quella guerra. Marie è daventada musicista ed ha fundà «Zap Mama», ina band da dunnas a capella che ha cumenzà a cumbinar musica da tut ils geners. Sin lur emprim disc ha surtut la chanzun «Brrrlak» fascinà in grond public, er tar gronds concert en il Central Park a New York, en il Olympia a Paris e tar il festival da jazz a Montreux. Sin «Brrrlak» datti tuns africans, dal orient, da l'America latina e da l'Europa e tut quai han ellas chantà cun lur vuschs fantasticas, creond ritmus tut agens, e la belleza exotica da lur musica ha inchantà millis e millis. Quai che fa surtut impressiun è lur precisiun e lur tecnica da chantar, ch'ellas han emprendi suandond il chant das pigmes dal Congo.

Autur/a: Jachen Prevost