30 onns Brass band da giuvenils dal Grischun

Questa stad ha l'emna da champ da la Brass band da giuvenils dal Grischun pudì festivar ses 30avel giubileum. Era per quella ediziun da giubileum èsi ina giada dapli reussì als organisaturs dorganisar per ils giuvens musicists duas furmaziuns da brass.

Ils concerts da la JBBG èn stads il fanadur 2018.
Legenda da maletgs: Ils concerts da la JBBG èn stads il fanadur 2018. MAD

La b-band per ils entschaviders e la a-band per ils tals cun dapli experientscha musicala. Quai èn stadas las duas furmaziuns en las qualas quai ha gì num prender plaz al cumenzament d'ina emna intensiva cun bleras uras vid l'instrument. En accumpagnament da blers tips ed instrucziuns dal team da maina registers e dals dus dirigents èn ils giuvens lura sa preparads sin ils dus concerts che han gì lieu be paucs dis pli tard.

Ad in dals concerts è era RTR stà preschent per registrar il vast program ch'ils giuvens han preschentà al public. En l'Instrumentala dad oz emettain nus quest concert, uschia che vus pudais giudair ina bell'ura da concert ed ils giuvens participants pon anc ina giada laschar reviver lur regurdientschas.

Ils titels en l'emissiun

TITELINTERPRETAUTURS
The Black BearWalter, Christoph / Smith, SandyBrass band da giuvenils dal Grischun, B-band
SwayRuiz, Pablo Beltran / Smith, SandyBrass band da giuvenils dal Grischun, B-band
Streamline PeaksCooper, Paul-LovattBrass band da giuvenils dal Grischun, B-band
El ritmo no paraHodel, StephanBrass band da giuvenils dal Grischun, B-band
Blackbird SpecialDirty Dozen Brass Band / Gilje, ReidBrass band da giuvenils dal Grischun, A-band
TritticoCurnow, JamesBrass band da giuvenils dal Grischun, A-band
Concerto for Marimba and Brass Band: 1. Saudacao (Greetings) 4. Despedida (Farewell)Rosauro, Ney / Danford, DaveBrass band da giuvenils dal Grischun, A-band
HemmigeMatter, Mani / Bürki MarioBrass band da giuvenils dal Grischun, A-band
RiverdanceWhelan, Bill / Farr, RayBrass band da giuvenils dal Grischun, A-band
KongolelaFarde, Jan MagneBrass band da giuvenils dal Grischun, A-band

Autur/a: Flavio Tuor