Black Dyke Band in concert

Onn per onn concertescha la Black Dyke Band a Lucerna en il KKL. En il rom dal World Band Festival delecteschan els il public dal concert da gala che ha lieu la saira suenter il Swiss Open Contest.

La Black Dyke Band vid sunar sin il palc dal KKL a Lucerna.
Legenda da maletgs: La Black Dyke Band en il KKL a Lucerna. MAD

Da questa visita annuala pudain era nus profitar. Onn per onn registrain ed accumpagnain nus il Swiss Open Contest. Entras questa preschientscha retschavain nus era la pussaivladad da registrar il concert da gala d'ina da las pli famusas brass bands da quest mund – La Black Dyke Band. Sco regal da cumenzament per il 2020 pudais vus tadlar oz il concert da gala 2019 che nus avain registrà ils 21 da settember en il KKL.

Autur/a: Flavio Tuor