E viva il tschaiver!

O gie, blers han spetgà vess sin quai mument. Uss è el qua – il punct culminant da la tschintgavla stagiun. Ils fans dal tschaiver prendan puspè ils costums e las mascras giud surchombras e sa rimnan als gronds tils ed ils bals da tschaiver.

Ina musicanta d'ina gugga suna.
Legenda da maletgs: Las guggas costumadas èn puspè en acziun. RTR

Tar in bel e cumplet di da tschaiver na dastga ina chaussa sa chapescha betg mancar: Las guggas – las musicas da tschaiver cun lur interpretaziuns da hits e semperverds en stil divertent, umoristic e magari forsa era in zic pli dad aut u schreg che usità. Oz fan las guggas era canera en l'instrumentala. Ellas prendan en possess las undas rumantschas e laschan resunar tuns da tschaiver directamain en stiva.