Il 29avel Besson Swiss Open Contest

Sonda ils 22.09.2018 è ina data ch'il dirigent Corsin Tuor da Trun na vegn betg ad emblidar uschè spert. Quai è il di dal grond success cun sia Brass Band Berner Oberland (BBO). A Corsin Tuor e la giuvna BBO èsi reussì da gudagnar la 29avla ediziun da la concurrenza da Brass Band Swiss Open Contest.

La BBO ha grond plaschair dal success.
Legenda da maletgs: La BBO ha grond plaschair dal success. RTR, Flavio Tuor

Cun sia interpretaziun dal toc da pensum «Phoenicia – Symphonic Sketches for Brass Band» dal cumponist svizzer Stephan Hodel, ha el persvadì la giuria e survegnì ils pli blers puncts dal di. Ensemen cun la buna prestaziun tar il toc da pag «Prometheus» ha quai lura tanschì a la fin per cuntanscher la victoria. Per cumplettar in di perfetg ha la BBO lura gist era dastgà prender encunter il premi spezial per la meglra producziun dal marsch. Quai cun il marsch «Black Knight» da William Rimmer. Oz en l'Instrumentala pudais vus tadlar per l'emprima giada sco la BBO ha sunà, vus pudais tadlar gist tut ils trais tocs da concurrenza. Accumpagnà d'ina u l'autra ulteriura novitad e preschentaziun dal contest.

Ils titels en l'emissiun

TITELCUMPONISTINTERPRETDIRIGENT
The CommonwealthWilliam RimmerLiberty Brass Band OstschweizStefan Roth
Prometheus - Sinfonische Dichtung Nr. 5Franz Liszt / arr. Raphael NäfBrass Band Berner OberlandCorsin Tuor
Black KnightWilliam RimmerBrass Band Berner OberlandCorsin Tuor
Phoenicia - Symphonic Sketches for Brass BandStephan HodelBrass Band Berner OberlandCorsin Tuor
Mazeppa - Sinfonische Dichtung Nr. 6Franz Liszt / arr. Bertrand MorenBrass Band 13 EtoilesJames Gourlay
Army of the NileKenneth Joseph AlfordBrass Band 13 EtoilesJames Gourlay
Castell CaerffiliThomas James PowellConstellation Brass BandYvan Lagger

Autur/a: Flavio Tuor