Il festival european da brass band stat avant porta

Logo uffizial dal festival european da brass band.
Legenda da maletgs: Logo uffizial dal festival european da brass band. www.ebbc2015.ch

La tensiun tar ils fans da brass bands crescha puspè. A Freiburg im Breisgau cumbattan en in'emna las meglras brass bands da l'Europa puspè per il titel da campiun european. Quest onn è insatge tut spezial e fin uss unic tar questa concurrenza: gist trais bands Svizras sa participeschan! Il motiv è che la Brass Band 13 Etoiles è sa qualifitgada sco campiunessa svizra 2014 e la Brassband Bürgermusik Luzern dastga sa participar sco defensura dal titel european. E la terza band? La Liberty Brass Band Junior da Son Gagl ha da defender ses titel sco campiun european en la concurrenza da giuvenils. Oz preschenta L'instrumentala ils cumbattants per il titel, e quai cun tocs da divertiment.
Redacziun: Flavio Tuor

Autur/a: RTR/df