Musica da film

Oz avain nus in'offerta che vus na pudais betg refusar (citat ord «Der Pate»). Nus faschain in gir tras l'industria da film e tadlain la musica dals classichers, ma era verms d'ureglia ch'èn perfin vegnids pli enconuschents ch'il film sez.

Il classicher «Star Wars» na dastga betg mancar.
Legenda da maletgs: In pèr musicants vestids sco «Stormtroopers». Reuters

Tar ils emprims films, avant in tschientaner, seseva per il solit in pianist sper la taila da kino. La musica che quel sunava, era surtut improvisada. Il senn da la musica era, ch'ins n'audia betg pli il projectur. Ozendi ha la musica da film in'autra funcziun – dar al film la dretga atmosfera. Gronds orchesters e cumponists spezialisads èn en acziun per che quai constettia.

Autur/a: Flurin Clalüna