Tuns en la colur da l'atun

Atun – la natira sa transfurma en bleras colurs, l'aria vegn fina e clera, i dat ina glisch unica ed ils culms portan magari schizunt ina cuverta alva. Per ils ins il pli bel temp da l'onn, per ils auters il temp per prender cumià da la stad.

Feglia cotschna.
Legenda da maletgs: L'atun cun sias bleras e bellas colurs PIXELIO

Era en la musica survegn l'atun in vestgì tut aparti e different. Ins senta l'aria fina e loma en melodias partentas e ventiraivlas. Da l'autra vart as sviluppescha la musica magari en ina direcziun pensiva, quasi trista e melancolica. Ils tuns e suns descrivan bain ils fenomens da la natira che sa calma ed as metta plaunet a ruaus.

Tadlai L'instrumentala, serrai ils egls e surlaschai a vossa fantasia da far ils maletgs atunils tar la bella musica.

Redacziun: Flavio Tuor

Autur/a: rtr/ft