En l'umbriva: La sinfonia nr. 4 da Beethoven

Ludwig van Beethoven (1770-1827) ha cumponì nov sinfonias e tuttas èn singularas, nagina sumeglia l'autra. Ordvart enconuschentas èn la terza, la tschintgavla u la novavla. Pli pauca attenziun retschaiva la quarta sinfonia. Auter è quai en quest'emissiun.

Mesa statua da Ludwig van Beethoven, creà da Hugo Hagen.
Legenda da maletgs: Mesa statua da Ludwig van Beethoven, creà da Hugo Hagen. Pixabay

Cunzunt tranter la terza sinfonia da Beethoven, la Eroica e la tschintgavla l'uschenumnada «Schicksalssymphonie», resta la quarta sinfonia da Beethoven magari en l'umbriva. Robert Schuman ha descrit la quarta sinfonia suandantamain: «Eine griechisch schlanke Maid zwischen zwei Nordlandriesen».

Il maletg d'ina fina matta tranter dus gigants circumscriva la moda sco la quarta sa differenziescha da las sinfonias vischinas. Quai sa mussa per exempel er en la dimensiun da l'orchester. En nagin'autra sinfonia dovra Beethoven in orchester uschè pitschen.

En quest'emissiun vegn la sinfonia nr. 4 da Beethoven enramada da duas uverturas: «Die Geschöpfe des Prometheus» e «Leonoren-Ouvertüre Nr. 3».

Ils titels en l'emissiun

TITELINTERPRETCUMPONIST
Die Geschöpfe des Prometheus. Ballett (Op. 43) - UverturaPaavo Järvi (dir.), Deutsche Kammerphilharmonie BremenLudwig van Beethoven
Sinfonia Nr. 4 B-Dur: 1. Adagio – Allegro vivaceJoshua Bell (dir.), Academy of St Martin in the FieldsLudwig van Beethoven
Sinfonia Nr. 4 B-Dur: 2. AdagioJoshua Bell (dir.), Academy of St Martin in the FieldsLudwig van Beethoven
Sinfonia Nr. 4 B-Dur: 3. Allegro vivaceJoshua Bell (dir.), Academy of St Martin in the FieldsLudwig van Beethoven
Sinfonia Nr. 4 B-Dur: 4. Allegro ma non troppoJoshua Bell (dir.), Academy of St Martin in the FieldsLudwig van Beethoven
Leonoren-Uvertura Nr. 3David Zinman (dir.), Tonhalle Orchester ZürichLudwig van Beethoven
Die Geschöpfe des Prometheus: Adagio – Adagio – Allegro moltoDavid Zinman (dir.), Rochester Philharmonic OrchestraLudwig van Beethoven

Redacziun: Yvonne Simmen