George Gershwin – 95 onns Rhapsody in Blue

George Gershwin – dal fabricant da hits al cumponist renconuschì.

Il pianist e cumponist american George Gershwin
Legenda da maletgs: eorge Gershwin (1898-1937) - pianist e cumponist foto: Carl Van Vechten

Avant 95 onns – il favrer 1924 – ha el fatg stremblir il tempel static da la musica sinfonica. La primaudiziun da la Rhapsody in Blue a New York en l'Aeolin Hall è stada in success epocal. Per l'emprima giada sinfonica e jazz en simbiosa – in mument istoric! In «scriva-schlaghers», in «fabricant da hits al Brodway» è sa midà en in cumponist sever, renconuschì. In cas unic en questa branscha! Oz marcan surtut quatter opus l'ovra cumpositorica da George Gershwin (1898-1937): Rhapsody in Blue (1924), Concerto in F (1925), An American in Paris (1928) e l'opera Porgy and Bess (1935).

Redacziun: Giusep G. Decurtins