Missa solemnis en As-Dur da Schubert

Franz Schubert - Missa solemnis en As-Dur - In regal da bellezza incumparegliabla per l'imperatur Franz l.

La Missa solemnis en As-Dur da Franz Schubert
Legenda da maletgs: La Missa solemnis en As-Dur da Franz Schubert Keystone

«Diese Messe ist nicht in dem Stil komponiert, den der Kaiser liebt» - quai han ins laschà savair Franz Schubert suenter ch'el aveva tramess a l'imperatur ses regal, la Missa solemnis en As-Dur.
L'imperatur ha perfin tramess enavos al cumponist la partitura. Trais onns aveva Schubert lavurà vid quest'ovra. Quant extraordinaria e preziusa che la musica da Schubert era, quai n'avev'ins betg realisà a la curt da l'imperatur Franz l. Pir Robert Schumann ha scuvert il stgazi da la messa en As-Dur, ma lura era Schubert gia mort dapi decennis. En «La classica» udis vus quella messa plaina da forza, emoziun e cunzunt plaina da speranza. Ina ovra senza paregl!


Redacziun: Rosvita Barenius