Mozart a Vienna – Sinfonias ed operas

Dus geners atgnamain dal tuttafatg differents: La sinfonia è in gener instrumental. L'opera percunter collia musica, chant e moviment ed è plain emoziuns. E tuttina pon ins constatar tar Mozart lioms tranter quels dus geners.

La «Prager Sinfonie» e l'opera «Le Nozze di Figaro» stattan en il center da La Classica.
Legenda da maletgs: La «Prager Sinfonie» e l'opera «Le Nozze di Figaro» stattan en il center da La Classica. PIXABAY

Ils onns 1780, cura che Mozart viveva a Vienna, cumponeva el tant operas sco er sinfonias. Uschia han ovras da quels differents geners er influenzà ina l'autra. Quai sa mussa per exempel tar la «Prager Sinfonie» e l'opera «Le Nozze di Figaro».

L'incarica per cumponer la sinfonia ha Mozart be retschavì, perquai che l'opera aveva in tal grond success a Prag. Omaduas ovras dateschan dal medem onn ed era musicalmain datti in connex: En in duettino da l'opera surpiglia Mozart in motiv ritmic caracteristic sco era la tempra hectica dal terz moviment da la «Prager Sinfonie».

Il cas cuntrari, pia ch'ina opera ha influenzà ina sinfonia datti era: En la «Jupiter Sinfonie» citescha Mozart schizunt in'aria cumpletta.

Ils titels en l'emissiun

TITELINTERPRETCUMPONIST
Le Nozze di Figaro: UverturaWiener Philharmoniker, dir. Claudio AbbadoWolgang Amadeus Mozart
Prager Sinfonie: 1. Adagio – AllegroLondon Symphony OrchestraWolgang Amadeus Mozart
Prager Sinfonie: 3. PrestoLondon Symphony OrchestraWolgang Amadeus Mozart
Le Nozze di Figaro: Aprite, presto, apriteWiener Philharmoniker, dir. Claudio AbbadoWolfgang Amadeus Mozart
O guarda il demonietto!Cecilia Bertoli, Sylvia McNair, Wiener Philharmoniker, dir. Claudio AbbadoWolfgang Amadeus Mozart
Un bacio di manoThomas Hampson, Concentus Musicus Wien, dir. Nikolaus HarnoncourtWolfgang Amadeus Mozart
Jupiter Sinfonie, KV 550: 1. Allegro vivaceChamber Orchestra of Europe, dir. Nikolaus HarnoncourtWolfgang Amadeus Mozart
Haffner Serenade, KV 250: 6. AndanteStaatskapelle Dresden, dir. Nikolaus HarnoncourtWolfgang Amadeus Mozart

Redacziun: Yvonne Simmen