«Nelsonmesse» da Joseph Haydn

Maletg da Joseph Haydn.
Legenda da maletgs: Joseph Haydn. Dreamstime

En «La classica» udis vus la «Missa in angustiis» da Joseph Haydn. Questa messa ha Haydn era numnà «Nelsonmesse». Ina messa scritta en temp d'anguscha e da guerra. Ins temeva numnadamain che Napoleun savessi attatgar mintga mument era l'Austria. Haydn ch'era musicist a la curt da la famiglia bainstanta dals Esterhazys ad Eisenstadt, ha dentant survegnì l'incumbensa da scriver ina messa per l'admiral Nelson da la Gronda Britannia. Lez haja dacurt battì Napoleun ad Alexandria ed haja destruì quasi tut ils bastiments dals franzos. E qua ha Haydn fatg insatge ch'i n'aveva anc mai dà: entamez il «Benedictus» ha el plazzà trumbettas e fanfaras da victoria! Nus avain ina registraziun da l'onn 2003 cun il cantus firmus surselva e cun il «Barockorchester Capriccio Basel».
Redacziun: Rosvita Barenius

Autur/a: RTR/df