Rachmaninov e ses Concert per clavazin ed orchester nr. 3

Il coc da La Classica da quest'emna furma in concert per clavazin ed orchester. Tar in tal concert vegn in solist al clavazin accumpagnà da l'orchester. Nus udin la terza contribuziun dal cumponist russ Sergej Rachmaninov (1873-1943) tar quest gener.

L'enconuschenta pianista Valentina Lisitsa interpretescha la renomada ovra da Rachmaninov.
Legenda da maletgs: L'enconuschenta pianista Valentina Lisitsa interpretescha la renomada ovra da Rachmaninov. Pixabay

Il Concert per clavazin ed orchester nr. 3 datescha dal 1909. A la premiera dal concert a New York è Rachmaninov sesì sez al clavazin – el n'era numnadamain betg be cumponist, mabain er pianist e dirigent. Ses terz concert per clavazin ed orchester ha tendenzas dramaticas. Il caracter da l'ovra sumeglia uschia magari a quel d'ina sinfonia.

Questa gronda ovra vegn enramada da cumposiziuns dal cumponist tudestg Johannes Brahms (1833-1897): A l'entschatta in valzer per clavazin solo, che prepara las ureglias sin il grond concert per clavazin ed orchester. La fin da l'emissiun furman intgins schatgs dals sauts ungarais da Brahms.

Redacziun: Yvonne Simmen

Ils titels en l'emissiun

TITELINTERPRETAUTURS
Walzer op. 39: Nr. 15 As-DurHardy RittnerJohannes Brahms
Concert per clavazin ed orchester Nr. 3 d-Moll: 1. Allgero ma non tantoValentina Lisitsa (clavazin), London Symphony Orchestra, dir. Michael FrancisSergej Rachmaninov
Concert per clavazin ed orchester Nr. 3 d-Moll: 2. Intermezzo (Adagio)Valentina Lisitsa (clavazin), London Symphony Orchestra, dir. Michael FrancisSergej Rachmaninov
Concert per clavazin ed orchester Nr. 3 d-Moll: 3. Finale (Alla breve)Valentina Lisitsa (clavazin), London Symphony Orchestra, dir. Michael FrancisSergej Rachmaninov
21 Ungarische Tänze, versiun per orchester: 1. g-Moll (Allegro molto)Budapest Festival Orchestra, dir. Ivan FischerJohannes Brahms
21 Ungarische Tänze, versiun per orchester: 4. Poco sostenutoBudapest Festival Orchestra, dir. Ivan FischerJohannes Brahms
21 Ungarische Tänze, versiun per orchester: 5. AllegroBudapest Festival Orchestra, dir. Ivan FischerJohannes Brahms
21 Ungarische Tänze, versiun per orchester: 6. VivaceBudapest Festival Orchestra, dir. Ivan FischerJohannes Brahms