Schubert – Il bab da la chanzun artistica

Nagin auter cumponist ha influenzà il gener da la chanzun artistica uschè marcantamain sco Franz Schubert.

Litografia da Franz Schubert enturn 1828.
Legenda da maletgs: Litografia da Franz Schubert enturn 1828. Wikimedia/Josef Eduard Teltscher (1801-1837)

Ina chanzun artistica è in'ovra per clavazin e chant solo. Il text n'ha il cumponist per il solit betg scrit sez ed è d'auta qualitad. Tar Schubert gioga il clavazin er ina pli impurtanta rolla che tar auters cumponists da lezzas uras. El è in partenari egual dal chantadur u la chantadura. Las duas chanzuns artisticas «Erlkönig» e «Gretchen am Spinnrade» mussan quai a moda exemplarica.

Tut en tut ha Schubert cumponì bunamain 600 chanzuns artisticas. Inqualas furman er in ciclus. Quai vul dir ch'il cuntegn d'ina retscha da chanzuns furman in'istorgia. In da quels ciclus è «Die schöne Müllerin» che sa basa sin poesias da Wilhelm Müller.

TITELINTERPRETCUMPONIST
Sinfonie Nr. 5 - AllegroFranz SchubertThe Chamber Orchestra of Europe
Ständchen D 957Franz Schubert / Ludwig RellstabWolfg. Holzmair & Imogen Cooper
Sinfonie Nr. 3Franz SchubertTonhalle - Orchester Zürich
Ständchen: D 920 (Zögernd)Franz Schubert / Franz GrillparzerAnne S. von Otter & Frauenchor
Die Zauberharfe - OuvertüreFranz SchubertWiener Philharmoniker
Ouvertüre ital. Stil D 590Franz SchubertORT Orchestra della Toscana

Redacziun: Yvonne Simmen