La Festa federala da musica populara è mintga quatter onns, e quest eveniment grond ed impurtant è adina en in'autra regiun da la Svizra. Quest atun vegn ella organisada a Crans Montana en il Valais, avant quatter onns è ella stada ad Aarau.
En «La populara» dain nus in sguard enavos e tadlain furmaziuns ch'èn sa partecipadas a l'ultima festa. Dal Grischun per exempel las chapellas «Alpafründa», «Arflina», «Bergüner Ländlerfründa», e «grauBÜNDIG». Vus udis er furmaziuns d'auters chantuns, sco la chapella «Suhrer Ländlerfründa» la «Oberbaselbieter Ländlerkapelle» ed ils «Swiss Ländler Gamblers».
