Oz datti schottischs, polcas e valsers da Carlo Simonelli, Hans-Luzi Hunger e Bruno Brodt, per exempel: «Im Felsa-Schuss», «Bim Joe uf em Rinerhorn», ubain il «Scarnuz grischun». Quests tocs vegnan interpretads da chapellas grischunas e da quellas da tut la Svizra.
En «La populara» udis vus adina puspè emissiuns d'ina seria cun cumponists grischuns. Nus avain gia preschentà cumposiziuns da Luzi Bergamin, Hans Fischer, Karl Grossmann, Stefan Battaglia, da Josias Jenny, Urs Glauser ed er da Peter Zinsli.