Il stil grischun: clarinettas, orgelets e contrabass

Il stil grischun, quel plascha er a chapellas da la Bassa.

Berna-Grischa
Legenda da maletgs: MAD

En l'emissun da musica populara da questa gievgia preschentain nus furmaziuns da tut la Svizra che fan musica en il stil grischun. Quai èn chapellas che han per il solit dus fin trais clarinettas, dus orgelets ed in contrabass. E quests instruments procuran per in cling tut agen e tuna tut auter che las chapellas da la Svizra centrala ubain dal Toggenburg. Nus tadlain tocs enconuschents en il stil grischun, cun chapellas da tut la Svizra. Da la «Oberbaselbieter Ländlerkapelle», ils «Suhrer Ländlerfründa», las chapellas «Ulmizberg» «Berna-Grischa» e dal «Ämmitaler Ländlerquartett».

Autur/a: Jachen Prevost