In virtuos a l'orgelet: per il 100avel da Josias Jenny

In dals gronds musicants e cumponists grischuns ed in idol per bleras musicantas e musicants.

Naschì ils 29 d’avrigl 1920 ad Arosa - mort ils 7 da november 1989 a Köniz
Legenda da maletgs: Il 1961 cun la chapella «Zoge-n-am-Boge» MAD, René Degoumois

El è senza dubi ina da las persunalitads impurtantas da la musica populara svizra e grischuna: Josias Jenny, il cumponist e musicant ch'è naschì ils 29 d'avrigl 1920 ad Arosa e mort ils 7 da november 1989 a Köniz. El ha sunà cun blers musicants enconuschents e tar bleras chapellas da renum sco il «Berner Ländlerquartett» ed a partir dal 1955 fin il 1980 tar la chapella legendara «Zoge-n-am-Boge».

Jenny ha impressiunà a blers auters musicants ed er per la generaziun giuvna è el in idol. El ha er cumponì blers sauts enconuschents cun rassa e schlantsch e divers da quels tadlain nus oz: «En urchige Bündnerwalzer», «Dia alt Schanfiggerpost», «Dr Pfyffestopfer», ubain il «Aroser Schottisch».

Autur/a: Jachen Prevost