«Regordanzas»

La «Chapella Erni» suna tocs che ses fundatur Anton Erni (1913 – 1980) aveva ramassà durant blers onns. Ses figl Jachen ha chattà per cas quels fegls cun notas, ed uss èn d'udir quels schottischs, hoppers, galopps e mazurcas sin il disc «Regordanzas»

en stiva il 1956
Legenda da maletgs: MAD

Quels tocs tradiziunals sunan uss ses uffants, beadis e sutbeadis, tocs cun titels che descrivan bler sco: «Anton cun la trumbetta», «Da Tschlin nan a Sent», «Il sot da las schoccas cotschnas» ubain «La mazurca da nona Lina», ed els fan reviver quellas bellas melodias da pli baud.

Redacziun: Jachen Prevost

Autur/a: RTR/jp