L'onn 1998 ha la Francine Jordi gudagnà cun la chanzun «Das Feuer der Sehnsucht» il Grand Prix der Volksmusik – e quai è sta per ella l'entschatta dad ina carriera da success. «Noch lange nicht genug» uschia il num da ses disc actual. In album cun musica per chantar, sautar e giudair.
Maite Kelly è vegnida enconuschenta gia da mattetta, ella chantava ella band da famiglia «La Kelly Family. L'onn 2007 ha Maite lura edì ses emprim disc sco solista ed oz tadlain nus intgins tocs dal 6avel disc «Die Liebe siegt sowieso», in album cun bleras chanzuns d'amur. E cun in zichel cletg savais Vus gudagnar il disc da Francine Jordi. Bun divertiment e buna fortuna!