A Nick Cave sin ils 60

Anniversari d'ina figura sombra e briglianta.

Legenda da maletgs: keystone

A las massas è il rockadur australian Nick Cave enconuschent be pervia da ses duet inegual cun la gloriusa Kylie Minogue, «Where The Wild Roses Grow». Ma per la communitad dad «indies» vala quest musicist ed autur sco ina da las pli interessantas figuras da la scena, in unicum che ballantscha tranter il morbid e la bellezza, tranter putgà e remischun, brigliond cun sia cumparsa nairatscha e sia vusch caduca. En hits sco «Tupelo», «Deanna» u «The Weeping Song», adina accumpagnà da ses fidaivels Bad Seeds. Dal reminent ils proxims 12 da november live en il Hallenstadion a Turitg.

Autur/a: Benedetto Vigne