A Reinhard Mey sin il 75avel

Omagi al renumà chantautur tudestg.

Legenda da maletgs: keystone

«In poet dal mintgadi, in grond umanist, beffegiader e consolader». Uschia ha ina giada ina gasetta tudestga titulà il renumà chantautur Reinhard Mey. Renumà pervia da sia chanzun-clav «Über den Wolken», ma era pervia da bleras istorgettas ilaricas sco «Der Mörder ist immer der Gärtner» ubain balladas penserusas sco «Ich bring dich durch die Nacht». Ils titels citads qua èn tuts d'udir en represas, davart da la gruppa Klee, da la rockadura Ulla Meinecke u dal project Glashaus. Ma er inqualas versiuns originalas da Reinhard Mey èn sin il program, a chaschun da ses 75avel anniversari dals 21 da december.

Redacziun: Benedetto Vigne