Bob Dylan e l'onn 1968

Da Manfred Mann enfin tar Jimi Hendrix.

Legenda da maletgs: keystone

Enturn l'onn 1968 èn cumparidas numerusas represas da chanzuns oriundas da Bob Dylan, chanzuns ch'ins n'enconuscheva per part anc betg en lur versiuns originalas: «Mighty Quinn» da Manfred Mann u «I Shall Be Released» dals Tremeloes figureschan tranter quellas, tuttas elegidas a ses temp or d'in pool da cumposiziuns betg publitgadas. Ma er or da l'album regular da Bob Dylan «John Wesley Harding» – cumparì curt avant Bumaun dal 1968 – tadlain nus in pèr represas, surtut la fenomenala «All Along The Watchtower» da Jimi Hendrix.

Autur/a: Benedetto Vigne