Las chantauturas americanas dals onns 70

Da Carole sur la Carly enfin tar la Karla.

Legenda da maletgs: keystone

La scena popmusicala dals onns settanta vegniva dominada dals umens. Ma i deva gia alura ina ferma communitad da chantauturas che sa fascheva valair, surtut da la vart americana, cultivond in stil che ballantschava tranter folk e pop, tranter rock e jazz. Carole King e Carly Simon èn be las pli enconuschentas, Joni Mitchell (foto) e Rickie Lee Jones las pli sofistitgadas. Ma dasperas devi nums pli marginals sco Judee Sill, Phoebe Snow, Janis Ian, Karla Bonoff – ina vaira chascha da truvaglias.

Autur/a: Benedetto Vigne RTR, Moderaziun: bv, Redacziun: bv