Crappa
- Sonda, 7.9.2019, 11:03
Termins da l'emissiun
-
Emprima emissiun:
- Sonda, 7.9.2019, 11:03, RTR
Tge ha crappa da far cun cultura? Forsa dapli che quai ch'ins patratga. Il crap è ina da las impurtantas materias primas dal Grischun e vegn duvrà per ils pli differents products: Craps da fossa, mobiglias, bischuteria u en la construcziun dad edifizis e vias.
Legenda da maletgs:
Ami Conrad, anteriur mainafatschenta da la crappera Conrad ad Andeer.
RTR / Donat Caduff
Sonda, ils 14 da settember è il di svizzer da las crapperas. Cun questa chaschun fa il Magazin da cultura in tour d'horizon tras l'istorgia dal crap en il Grischun – ed ina visita ad Ami Conrad (81), anteriur mainafatschenta da la crappera Conrad ad Andeer.
En la rubrica litterara preschentain nus «Rumantsch e latin da chatscha», texts da chatscha or dal stgazi litterar rumantsch.