Da num e da pum – DANTE

Quest mais è vegnì festivà il 750avel anniversari da Dante Alighieri e quai a Firenze. Ma pertge è el insumma enconuschent sulet cun in num, cun Dante? Chasper Pult sa fatschenta en questa ediziun da «Da num e da pum» cun il grond poet, scriptur e filosof. Nus udin passaschas ord «La divina commedia» ed era, co che Dante tuna per rumantsch.

En la litteratura preschenta Esther Krättli dus cudeschs per uffants: «Il secret da Domino» ed «Il striun», duas istorgias che mainan en munds misterius.

Redacziun: Esther Berther

Autur/a: RTR/cl