Drags e larmas en il Museum d’art dal Grischun

Il Museum d'art a Cuira festivescha il giubileum da 100 onns – e quai cun ina retrospectiva in pau nunusitada: L'exposiziun «Ord la profunditad dal temp» na mussa betg highlights dals ultims 100 onns. Cun ovras pli veglias, dal temp avant 1530, vulan ils curaturs Peter Zumthor e Stephan Kunz mussar che l'art grischun è anc bler pli ritg. Documentà las sculpturas, frescas e mobiglias ha il fotograf Florio Puenter. Cun l'istoricher d'art Leza Dosch faschain nus ina visita a l'exposiziun e la reflectain er a moda critica.

En la rubrica litterara preschentain nus «La luffa» da Leo Tuor, in roman enconuschent en vestgì nov.

Contribuziuns

  • Atras l'exposiziun cun Leza Dosch

  • Egliada critica sin l'exposiziun

  • Marina Lutz preschenta ses cudesch da caricaturas

  • La Reprisa: igl «Arcun da tradiziun» a Laax fa urden

  • Litteratura: «La luffa» da Leo Tuor

Redacziun: Donat Caduff / Astrid Alexandre