Drama!

Drama na datti betg mo sin la tribuna da teater, mabain magari era dasperas. Il Magazin da cultura sa fatschenta cun omaduas sorts.

Drama 1: L'actur René Schnoz raquinta dad in da ses projects actuals che pudess polarisar e procurar per discussiuns. En il focus da quest toc stattan numnadamain il profet Mohammed ed il fundamentalissem religius en general.

Drama 2: Ils giuvenils da la «Shakespeare Company» dal Lyceum a Zuoz insceneschan quest onn il drama da Romeo e sia Giulietta – in toc ch'ha passa 400 onns, ma che n'ha pers nagut da si'actualitad.

Ina giada al mais preschenta Clà Riatsch figuras or da cudeschs rumantschs. Questa giada è quai «Sar Barduot» or da la «Müdada» da Cla Biert: ina figura cun blers aspects.

Contribuziuns

Autur/a: Astrid Alexandre