Dumondas or dal chapè – Lorenzo Polin

Dovra l'actur Lorenzo Polin insatge dultsch? È el in asen? Tge relaziun ha el cun la glina? E pudess ins duvrar el en in bun film?

Dumondas or dal chapè
Legenda da maletgs: Dumondas or dal chapè RTR

Durant la stad sa preschenta il Magazin da cultura en in auter vestgì: Persunalitads or dal mund da la cultura grischuna reageschan spontanamain sin dumondas insolitas. Per lantschar la seria 2019 respunda l'actur Lorenzo Polin a las «dumondas or dal chapè» picladas or d'ina publicaziun dal duo d'artists Peter Fischli & David Weiss («Findet mich das Glück» – 2003).

Autur/a: Astrid Alexandre