«Edir manuscrits istorics è adina in cumpromiss»

Co fissi tenor Vus dad edir manuscrits istorics? Surpigliar 1:1 quai che l'autur ha scrit avant tschients onns? U tuttina adattar in zic il text per ch'el saja pli simpel da chapir? Quant fitg dastga in editur intervegnir, simplifitgar e midar?

Cun da questas dumondas sa fatschenta glieud dal fatg questa fin d'emna a l'Universitad da Fribourg. Era Michele Badilatti è da la partida a quest colloqui ed en il Magazin da cultura raquinta el da las problematicas da l'edir manuscrits istorics ed era da sia lavur vi d'in diari da viadi or dal 18avel tschientaner.

En la rubrica litterara propona Esther Krättli da sfegliar en «Herr Anselm», il pli nov roman dad Arno Camenisch.

Contribuziuns

Autur/a: Astrid Alexandre