«Era ils Gualsers sa sentan sco minoritad en il Grischun»

En noss chantun triling discurrin nus savens da minoritad: tant ils Rumantschs sco era ils abitants da las valladas talianas sa proclameschan «minoritad». Ma i dat era anc auters Grischuns che sa sentan en la minoritad: ils Gualsers.

Il Magazin da cultura sa fatschenta cun l'identitad gualsra e discurra cun Leonie Barandun-Alig. Ella è activa en diversas uniuns gualsras e scriva columnas en la Suedostschweiz, quai sa chapescha en tudestg gualser.

Medemamain en quest magazin dain nus in sguard sin l'ovra da l'artist Jürg Kienberger che ha festivà l'emna passada ses 60avel natalizi.

En la rubrica litterara sa fatschenta Clà Riatsch cun ina protagonista plitost quieta: l'Onna, quella dunna che vegn accusada dad esser la «Stria da Dentervals».

Contribuziuns

Laschar ir video «La savur dal palc (Cuntrasts dals 26.06.2005)»

La savur dal palc (Cuntrasts dals 26.06.2005)

25 min, dals 4.10.2018

Autur/a: Astrid Alexandre