Games: sport, cultura, passiun

Super Mario, Call of Duty u Fortnite: Dar games tutga tar in dals hobis ils pli derasads en nossa societad. En l'America empleneschan turniers da gamers entirs stadions. En Svizra è la scena bler pli pitschna, dentant en grond moviment. I dat adina dapli «e-sportists» – co gamers professiunals vegnan numnads –, ed er il dumber da creaders da gieus crescha.

Il Magazin da cultura sa dumonda sche games èn ozendi da renconuscher sco in bain cultural – cun in'egliada en la pratica: Nus avain dà gieus cun Curdin Albin (35) da Cuira, in giugader da hobi passiunà.

En la rubrica litterara sfegliain nus en il cudesch «Poesias/poesia» dad Irma Klainguti.

Contribuziuns

Autur/a: Donat Caduff