Il killer dal solitari

Il duo Kappeler/Zumthor ha gia manipulà la sunaria dal Postplatz a Cuira e sfundrà entirs clavazins en l'aua. Ussa porta Peter Conradin Zumthor ses emprim teater sin ils palcs – e las mirveglias dal public en las salas.

Igl è in novum per Peter Conradin Zumthor (40): Quests dis preschenta il Teater Cuira «Loneliness Kills Anna», l'emprima inscenaziun dramaturgica dal percussiunist da Haldenstein. Quai vul dir: Zumthor ha scrit sez il toc, la musica ha el cumponì ensemen cun Vera Kappeler.

Il toc tematisescha la solitariadad, in fenomen dal qual blera glieud veglia patescha. Nus avain inscuntrà Zumthor avant la premiera e discurrì cun el davart il sa sentir isolà, quant fitg ch'il destin da sia atgna mamma ha intimà el da scriver il toc – e tge ch'in policist englais ha da far cun ses project.

Contribuziuns

Redacziun: Donat Caduff