In fotograf ed ina giubilara

En questa emissiun visitain nus in fotograf ed ina giubilara.

Jules Spinatsch è in dals artists grischuns da renum internaziunal. Actualmain èn sias fotografias da vesair a Turitg ed a Cuira. Il Magazin da cultura ha visità il fotograf e vulì savair dapli davart sias metodas da lavurar.

In ulteriur tema è la Pro Grigioni Italiano (PGI). L'instituziun festivescha quest onn ses 100avel anniversari. Tge collia la minoritad italofona cun la Rumantschia? Il president da la PGI, Franco Milani, dat pled e fatg.

En la rubrica litterara preschenta Esther Krättli il cudesch «Logomumaints», in gir poetic tras las stagiuns.

Autur/a: Donat Caduff