Inventarisar il Grischun

Quests dis poi adina esser ch'ins entaupa duas persunas che van cun documents tras vischnanca, observan e taxeschan chasas. Quai vegnan ad esser ils experts da la tgira da monuments.

La tgira da monuments è numnadamain vidlonder d'inventarisar tut las vischnancas grischunas. Quai munta, ils collavuraturs guardan tge chasas che meritan da vegnir mantegnidas, e quellas survegnan in plaz en l'inventari chantunal. Quest inventari duess lura gidar las autoritads – da giuditgar meglier tge chasas ubain tge parts d'ina vischnanca che duessan vegnir mantegnidas.

Tge chasas èn impurtantas per il maletg da la vischnanca? Tge chasas èn exemplaricas per ina epoca? Tge chasas na duessan betg vegnir disfatgas? Ma respunder a questas dumondas n'è betg adina uschè simpel e procura era mintgatant per conflicts.

Contribuziuns

Laschar ir video «Inventarisar il Grischun»

Inventarisar il Grischun

3:34 min, Telesguard dals 27.8.2019

Redacziun: Casper Nicca