Las galarias d'art da l'Engiadin'Ota

Las galarias d'art flureschan en Engiadin'Ota. San Murezzan e conturns èn daventads in pitschen «Mecca» per l'art contemporan e modern. Tar ils pioniers da la scena tutga Elsbeth Bisig da la galaria Tschudi a Zuoz. Ella mussa art contemporan en ina chasa engiadinaisa. Betg en ina chasa, mabain en ina stalla senza stgaudament, sa chatta a Madulain la galaria dals dus newcomers Gian Tumasch Appenzeller e Chasper Linard Schmidlin. Las pli bleras galarias d'art èn dentant sa chasadas a San Murezzan, nua ch'i dat schizunt ina galaria d'art en la chasa da parcar.

Ma, il «Magazin da cultura» na fa betg be ina gita en las galarias da l'Engiadin'Ota. Nus dain er in tgit en il cudesch «Rudolf Grass Zernez 1906-1982», en l'ovra davart l'enconuschent fotograf da vischnanca da Zernez.

Redacziun: Rafael Müller

Contribuziuns

  • Zuoz: Art contemporan en la chasa engiadinaisa

  • Madulain: ils dus giuvens galarists e lur stalla

  • San Murezzan: Las galarias d’art e la stgala rullanta

  • Tips da cultura

  • «Refugiado» - tip persunal da Rafael Müller

  • Litteratura - cudesch «Rudolf Grass Zernez 1906-1982»

  • Tadlar Magazin da cultura dals 05.03.2016

Autur/a: RTR/cl