«Per nus è far musica in vegnir ed ir cuntinuant»

Jachen Janett vala sco ina legenda en la scena dals chors grischuns. Il multitalent musical da l'Engiadina ha gist dus motivs da festivar: Ses 20avel giubileum sco dirigent dal chor La Cumbricula e vitiers ses 50avel giubileum sco dirigent insumma. Tge è sia bilantscha e co cuntinuescha la figlia Sara-Bigna cun la tradiziun musicala en la famiglia? Il Magazin da cultura ha discurrì cun bab e figlia.

En la rubrica litterara preschenta Esther Krättli la publicaziun «Sigls da lingua – Sprachsprünge – Salti di lingua», in cudesch che discurra da la plurilinguitad en il Grischun e surtut en l'EngiadinOta.

Redacziun: Donat Caduff