«Sin ina buna fotografia guard’ins pli ditg ch’ina secunda»

Era sch'ella è in med plitost giuven, daventa la fotografia pli e pli populara sco furma d'expressiun. Instagram, Snapchat & co. sa basan sin quest trend ed era il Magazin da cultura guarda oz tras l'objectiv e sa fatschenta cun la fotografia artistica.

Arno Sulser – ch'expona per il mument en la Grotta da cultura a Sent – tradescha dapli da sia passiun per la fotografia da detagls. Plinavant dain nus in sguard sin ina concurrenza da fotografias che vul mussar differentas fassettas da la citad veglia da Cuira.

En la rubrica litterara preschenta Angelika Overath ses nov cudesch «Ein Winter in Istanbul», in roman nua ch'in teolog engiadinais cumenza ina nova vita en la citad al Bosporus.

Contribuziuns

Autur/a: Astrid Alexandre