Spira brama per la mar

Ils 29 avels Dis da litteratura van a la mar. Els sfundran en las profunditads maritimas e laschan vegnir a pled la varietad en la litteratura.

Il «Magazin da cultura» discutescha live da Domat davart la mar, la brama per quest lieu lunsch davent da nus ed era l'encreschadetgna per la patria. Silvana Derungs, redactura da la Litteratura 38 che porta il titel «mar», sco era Thomas Cathomen, chantautur che ha vivì lung temp a Mexico, discurran en nossa runda davart encreschadetgna, litteratura, buns texts e sentiments mess en pleds.

Esther Krättli preschenta il segund cudesch da Tina Planta-Vital «Il blau tocca la terra».

Autur/a: Esther Berther