Uccelin – l'ovra d'art ch'è sgulada ora

Avant bun trais onns ha la citad da Cuira decidì da betg realisar l'ovra d'art Uccelin da 'artist Hans Danuser. E quai suenter che Danuser aveva gudagnà la concurrenza d'art per ses project Uccelin cun versets da dumbrar ora per las paraids da la chasa da scola Quader a Cuira.

L’Uccelin da Köbi Gantenbein a Fläsch
Legenda da maletgs: L’Uccelin da Köbi Gantenbein a Fläsch. RTR, R. Müller

Il NA a l'ovra d'art d'edifizi ha però procurà per reacziuns: Hans Danuser ha fatg recurs e pers. Ed artistas ed artists da differents champs han fatg en num dad Uccelin concerts, chanzuns, installaziuns ed autras ovras artisticas per protestar cunter mesiras da spargn tar la cultura. Il pli nov product dad Uccelin è in carnet spezial da la revista Hochparterre.

Il magazin da cultura recapitulescha ils eveniments enturn Uccelin. E nus lain savir: Hai duvrà il NA l'oriund Uccelin, per dar alas a tut ils novs projects dad Uccelin?

Betg per utschels, mabain per nursas vai en la rubrica litteratura da quest magazin: Esther Krättli preschenta il cudesch «Schafhandel und Schafzüge über den Panixerpass» dad Arnold Spescha che lascha reviver ina tradiziun daditg passada.

Redacziun: Rafael Müller

Autur/a: RTR/dh