168 uras offline

Savessas Vus anc viver in'emna senza telefonin e senza internet? Nus avain fatg l'experiment.

Maletg grafic cun il titel da l'emissiun
Legenda da maletgs: RTR, G.M. Maissen

En quest mument essas Vus gist online. Clar, uschiglio na pudessas Vus betg leger il text da questa pagina d'internet. En media essan nus duas enfin trais uras per di vi dal telefonin e mintga 20avel giuvenil en Svizra è dependent dal telefonin. Ma co fissi da viver d'in mument sin l'auter puspè offline – senza telefonin e senz'internet?

N'è ina vita offline propi betg pli imaginabla e pussibla? U è quai simplamain ina nauscha stgisa per betg stuair bandunar nossa zona da confort? Chattai ora sezs e faschai cun nus il viadi en in mund offline che ha ozendi blers cunfins nunprevis.

(Ina perla ord noss archiv, dal favrer 2016)

Autur/a: Gian-Marco Maissen