Avant 30 onns ha Andrea Tuffli gì ina buna idea. El ha inventà la pli lunga cursa en las alps: il Swissalpine. Questa giada currivan ils participants anc 72 km, oz èn quai 78 km. Il k 78 è legendar. Sia partenza è a Tavau, el maina lung Filisur e Bravuogn vinavant sin la chamona dal Kesch, sur il pass dal Sertig e lura enavos a Tavau. La svieuta da la cursa munta passa 1 milliun francs. 1'000 fin 1'100 voluntaris s'engaschan mintg'onn davos las culissas. Els preparan aua ed Isostar, bananas, mails e biberlis duschas mobilas e plasters. Nus pigliain il Swissalpine sut la marella, discurrin cun ses inventader Andrea Tuffli e cun il medi da la cursa Werner Kistler. Co chi è da currer 78 km raquintan Ornella Poltera, Ruedi Frehner e Barbla Etter.
Redacziun: Chatrina Gaudenz
30 onns Swissalpine
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
