50 onns San Bernardin – il tunnel che collia e separa

Il 1. da december 1967 è vegnì inaugurà il tunnel dal San Bernardin, quella giada il pli lung tunnel da via tras las Alps.

Il plazzal dal San Bernardin, l'onn 1965.
Legenda da maletgs: Il plazzal dal San Bernardin, l'onn 1965. Keystone

Ils pleds da festa èn entusiastics. Cun il nov tunnel sperain nus da promover il turissem, da crear novas plazzas da lavur e d'intensivar ils contacts cun ils vischins da tschella vart dal tunnel. 50 onns suenter è la bilantscha ambivalenta: Ils turists passan sperasvi cun lur autos e na ferman ni a Valragn ni en la Val Mesauc. L'autostrada ha purtà bler traffic e canera. E las relaziuns tranter ils vitgs al nord ed al sid dal tunnel èn, cuntrari a las speranzas, vegnidas cun ils onns main stretgas. Ma grazia al tunnel han era blers pudì restar en lur vitgs: Els penduleschan oz a Tusaun, Cuira u Bellinzona.

La Marella cun in viadi tras il tunnel e tras il temp.

Redacziun: Christina Caprez