Siglir tar il cuntegn

Header

audio
Il drag è spaventus, ma Son Gieri in cumpogn valurus. Fresco sin la chasa Tscharner a Giuvaulta.
RTR / Rafael Müller
laschar ir. Durada: 41 minutas 12 Secundas.
cuntegn

A viandond cun Hans Ardüser

«200 tütsch myl» è Hans Ardüser ì a pe l'onn 1590, co el scriva en ses diari. Quai èn 1'500 kilometers ch'il pictur, poet, scolast e cronist ha fatg en crusch ed a travers il Grischun, a la tschertga da lavur.

Download

La Marella da questa dumengia ans maina sin ils fastizs da Hans Ardüser, viandond cun el dad Alvaschagn a Giuvaulta. Nus contemplain elefants, draguns ed unicorns ch'el ha picturà sin chasas ed en la baselgia da Tumegl. Ed il multitalent tranter temp medieval e temp modern ans vegn a raquintar da ses plaschairs, da sia lavur e da las dolurs da l'amur.

Redacziun: Rafael Müller

Dapli da «Marella»

Scrollar a sanestra Scrollar a dretga