A viandond cun Hans Ardüser

«200 tütsch myl» è Hans Ardüser ì a pe l'onn 1590 co el scriva en ses diari. Quai èn 1'500 kilometers ch'il pictur, poet, scolast e cronist ha fatg en crusch ed a travers il Grischun a la tschertga da lavur.

La primavaira avant dus onns era Rafael Müller sa mess sin ils fastizs da Hans Ardüser (1557-1617). Cun sia cronica sut bratsch ed in apparat da fotografar enturn culiez era el viandà dad Alvaschagn tras la Tumleastga a Giuvaulta. Inscuntrà ha el elefants, draguns ed unicorns che Ardüser ha picturà avant passa 300 onns sin chasas ed en la baselgia da Tumegl. En sia cronica ans raquinta Ardüser, il multitalent tranter temp medieval e temp modern, da ses plaschairs, da sia lavur e da las dolurs da l'amur.

Durant la stad preschenta la Marella er quest onn inqual perla radiofonica ord noss archiv.

Ord l'archiv:

Svizra Rumantscha: Ardüser moler - Film da Fred van der Kooij (05.01.1997)

Laschar ir video «Ardüser moler»

Ardüser moler

24 min, dals 5.1.1997

Autur/a: Rafael Müller