Adina la medema chanzun – cun questas chanzuns rumantschas

Quantas chanzuns rumantschas datti insumma? E nua pon ins chattar il meglier novas chanzuns ubain da quellas ch'ins na sa insumma betg ch'ellas existan?

Co far da chattar las chanzuns cun sistem.
Legenda da maletgs: Co far da chattar las chanzuns cun sistem. RTR / Dominic Pohle / Carla Gartmann

Chanzuns rumantschas datti millis – quantas exact probablamain nagin che sa. Nagin che rimna ellas cun sistem ed activamain. Tant pli èsi grev da savair nua sa volver per chattar litteratura rumantscha main enconuschenta. Savens va quai sur relaziuns persunalas tar dirigents, chantadurs ubain directamain tar ils cumponists. Il privel è dentant che chanzuns rumantschas van a perder cun il temp. Perquai dian blers, i fiss uras da far urden cun notas.

Autur/a: Esther Berther