Batter per amur – Il Tavulin litterar cun nova litteratura svizra

Al Tavulin litterar sa scuntran questa giada Clà Riatsch, anteriur professer da litteratura rumantscha a l'universitad da Turitg e l'istoricher e romanist Martin Camenisch.

Kuss da Simone Meier
Legenda da maletgs: Kuss da Simone Meier MAD

«Kuss» da Simone Meier e «Dort» da Niko Stoifberg, quai èn ils dus cudeschs sin il Tavulin litterar. Nova litteratura svizra cun titels curts che raquinta da las obsessiuns da l'amur.

En ses terz roman «Kuss» analisescha Simone Meier minuziusamain la forza da rollas da las schlattainas e stira il lectur e la lectura sin in fil stretg tranter illusiun e realitad.

En il roman da debut da Niko Stoifberg commetta il protagonist in delict extrem – be per entrar en contact cun ina dunna. I sa sviluppescha in'istorgia d'amur, ma er da pussanza e da culpa.

Redacziun: Esther Krättli