Boomtown Glion

Ils 10 da fevrer votescha il pievel svizzer davart l'iniziativa da la construcziun dischordinada. Co vegn dentant planisà actualmain en las vischnancas? La Marella analisescha il svilup da Glion nua ch'igl è vegnì fabritgà bler ils ultims onns.

La citad da Glion sa mida: Via da la Posta cun la nova surbajegiada Marcau a sanestra (anc avant l'avertura 2018).
Legenda da maletgs: La citad da Glion sa mida: Via da la Posta cun la nova surbajegiada Marcau a sanestra (anc avant l'avertura 2018). RTR / Linus Livers

Novs centers da cumpra, nova staziun, novas abitaziuns, in nov sviament – Glion prosperescha. Quant creschament dovra la citad, e tge sfidas porta il svilup?

Questa Marella intercurescha vi da l'exempel da Glion dumondas actualas da la planisaziun da terren. Glion è ina vischnanca exemplarica: qua il center regiunal, là las dudesch fracziuns enturn la citad.

Carmelia Maissen, presidenta da vischnanca, declera co che la politica emprova da metter sut in chapè ils interess da citad e vitgs, da possessurs da terren e maun public. Quest'emissiun tracta tant aspects tecnics da planisaziun sco er la dumonda: co gartegi a la vischnanca da Glion da mantegnair sia identitad?

Redacziun: Donat Caduff