«Anno 1506 die 8 Aprilis ego natus sum.» Uschia entschaivan las notizias autobiograficas da Jachiam Bifrun. El era in dals gronds purs da Samedan e sco notar e landamma era el er entretschà en ils scumbigls politics ed ideologics dal 16avel tschientaner. Cun ses «Nuof Sainc Testamaint» ed in catechissem ha Jachiam Bifrun publitgà sco emprim cudeschs rumantschs en furma stampada.
La Marella porscha in inscunter cun questa persuna fascinanta, cun ses texts, las sfidas da scriver rumantsch e sia epoca – il temp da la refurmaziun.
